‘අපරාදේ බන් ඩේටා ටික!
වෙලාවත් අපරාදේ..
හෙනම බොරු ෂෝ එකක්…’

2020දි ආපු එක්තරා චිත්‍රපටියක්
ක්‍රියාදාම වලින් පිරුණු,
ආදායම කෝටි 100 ඉක්මවපු..
ඉන්ටනෙට් ආපු ගමන්, වැල නොකැඩි ඩවුන්ලෝඩ් කරලා
පැය දෙකහමාරක් වැය කරලා බලපු
IMDb අගය 2.0ට ආසන්න වුණු
එක්තරා චිත්‍රපටියක්.

චිත්‍රපටිය Play වෙන්න දාලා
ඒක ඉස්සරහා ඉඳගත්තු ඔයාමයි ආයේ නැගිටින්නත් ඇත්තේ.
ඔලුවට එකතු වෙච්ච දෙයක් නම් නෑ.

මේක 2018 චිත්‍රපටියක්..
අවුරුද්ද දැකපු ගමන් ඒ Page එකටවත් එන්නැති
බානවා තියා හිතන්නෙවත් නැති,
පෝස්ටරේ දැක්ක ගමන් පැත්තකට කරලා දාන්න හිතෙන,
බැලු බැල්මට අතිශය සාමාන්‍ය,
එක්තරා චිත්‍රපටියක්.

නමුත් දන්නවද,
මේ පැය දෙකයි විනාඩි 15 අවසානයේ
ඔබ නැගිටින්නේ වෙනස්ම ඔලුවක් එක්ක.
අරගල කරන බුද්ධියක් එක්ක,
හිතන්න ගොඩක් දේවල් හිරකරගත්තු
බර හදවතක් එක්ක.
ඒ වගේම කුතුහලයෙන් බර
හොඳම සිනමා අත්දැකීමක් විඳපු
ගෙවුණු පැය කිහිපය ගැන අතිශය තෘප්තිමත් වෙච්ච
ජයග්‍රාහි ප්‍රේක්ෂකයෙක් විදිහට.

මේ ඔබ නරඹන්නේ 2018 වසරේ,
ඉන්දියාව වැඩියෙන්ම වෛර කරපු චිත්‍රපටිය
ඒ වගේම වැඩියෙන්ම ආදරේ කරපු චිත්‍රපටිය.
ඒ වගේම ඔබ ශ්‍රී ලාංකිකයෙක් නම්,
2019 අප්‍රේල් 21වෙනිදා උදේ 8.45 විනාඩියෙන් ඇරඹුණු
ඒ කාලකන්ණි පරිච්ඡේදය අත්දැකපු කෙනෙක් නම්
මෙය ඔබත් වැඩියෙන්ම වෛර කරන චිත්‍රපටිය වේවි
නැතිනම් ඔබ වැඩියෙන්ම ආදරය කරන චිත්‍රපටිය වේවි.
තමන්ගේ ආකල්පයන් මත ඒ දේ තීරණය වෙයි.
කාවවත් විනිශ්චය කරන්නේ මොකටද?

(Caption : You will Love it or Hate it)

මෑතකදි ජීවන රඟමඩල හැරගිය රිෂී කපුර් සමඟ
කවදත් වෙනස් චරිතයන්ට පණ දෙන තාප්සි පන්නු එක් වන,
අනුභව් සිංහා 2.0ගේ ආන්දෝලනාත්මක පළමු නිර්මාණය
විඳින්න කරන ගෞරවාන්විත ආරාධනයයි මේ.

මෑතකදි වෙච්ච සිදුවීමකට සම්බන්ධ කතාවක් එක්ක සමුගන්නම්!

මැරෙන්න හිතාගෙන ගඟට පැන්නේ දෙමළ කෙල්ලෙක්.
ඒ කෙල්ලව බේරගන්න ගිහින් ජීවිතේ පූජා කරේ මුස්ලිම් කොල්ලෙක්
ඒ කෙල්ලව බේරගත්තේ සිංහල මිනිහෙක්.
මනුස්සකමට කොහෙද බොලව් ජාති බේදයක්??
කවදාහරි, මොකෙක්හරි ඇවිදින්
අපි හොඳ අය, එයාලා නරක අය කියලා
අපිව බෙදන්න හදනවා වගේ නම්,
ගෙදර ගිහින් කැලැන්ඩරේ බලපන්,
ඡන්දෙට තව දවස් කීයද කියලා…!!!

• Hindi