නත්තල් උත්සවයේ සුන්දරත්වයත්, හෝටලයක් ඇතුළේ සිද්ධ වෙන අපූරු ආදර කතාවකුත් පදනම් කරගෙන නිර්මාණය වුණු ලස්සනම ලස්සන Romantic කතාවක් අරගෙනයි මේ සැරේ ආවේ!

මේ කතාව ගෙතෙන්නේ ‘සබ්‍රිනා’ (Sabrina) කියන තරුණ ලේඛිකාව වටා. ඇයට ලැබෙනවා ලොකු අවස්ථාවක් ලෝක ප්‍රසිද්ධ කලා නිර්මාණ වෙළෙන්දෙකු වන ‘ග්‍රේසන්’ (Grayson) ගේ ජීවිත කතාව ලියන්න. මේ වෙනුවෙන් ඇය නතර වෙන්නේ ඉතාම සුඛෝපභෝගී ‘ග්‍රෑන්ඩ් ෆෙයාර්බෑන්ක්ස්’ හෝටලයේ.

එතනදී ඇයට ‘ඉයන්’ (Ian) කියලා හරිම ආකර්ෂණීය තරුණයෙක්ව මුණගැහෙනවා. හැබැයි ඉයන් කියන්නේ සාමාන්‍ය කෙනෙක් නෙවෙයි. රහසින් මෙහේ ඇවිත් ඉන්න ‘ලෝඩ් බැක්ස්ටන්’ (Lord Braxton) කියන රාජකීය තරුණයා! තමන්ගේ පෞද්ගලිකත්වය ආරක්ෂා කරගන්න ඉයන් තමන්ගේ ඇත්තම අනන්‍යතාවය සබ්‍රිනාගෙන් සඟවනවා.

හැබැයි මේ හෝටලය ඇතුළේ තවත් එක රහසක් තියෙනවා. ඒ තමයි අවුරුදු 50කට කලින් ග්‍රේසන්ට මගහැරුණු එයාගේ පැරණි ආදර කතාව. ප්‍රසිද්ධ ‘කෝඩිලියා’ පොත් පෙළත්, රාජකීය ආභරණ ප්‍රදර්ශනයකුත් මැද ගෙවෙන මේ දවස් කිහිපය සබ්‍රිනාගේ සහ ඉයන්ගේ ජීවිත සදහටම වෙනස් කරනවා.

තමන්ගේ අනන්‍යතාවය සඟවපු ඉයන් ගැන සබ්‍රිනාට ඇත්ත දැනගන්න ලැබුණම මොනවා වෙයිද? ග්‍රේසන්ට එයාගේ අතීත ආදරය ආයෙත් හම්බවෙයිද? නත්තල් මැජික් එකත් එක්ක ගලාගෙන යන මේ ආදර කතාව හරිම ලස්සනයි.

මේ චිත්‍රපටයේ සබ්‍රිනා ලෙස Jordana Largy සහ ඉයන් ලෙස James Siglow ප්‍රධාන චරිත රඟපානවා.

ඉතින්, මේ සීතල නත්තල් කාලයේ හිතට උණුසුමක් දෙන මේ ලස්සන චිත්‍රපටය බලන්න කියලා ඔයාලා හැමෝටම ආරාධනා කරනවා.