දොළොස් වෙනි පාරට මේ සැරේ ඔන්න අලුත්ම හින්දි චිත්‍රපටයක් ගෙනාව හිනා වේවි සටන් බලන්න. මතකද අර අමුතුම ඩාන්ස් එකක් දාන පොලිසියේ හාදයා. “චුල්බුල් පාන්ඩේ” හෙහ් දැන් මතකයි නේ. අමතක වෙන්න විදිහක් නැහැ අර අමුතුම ඩාන්ස් එක නිසා. ඒ වගේම දස්ස කොල්ලා. ගියිත් පළාතම විනාස කොරලා තමා එන්නේ. එහෙනම් මම කියන්නම් කතාව මොකද්ද කියලා Dabangg 2 (2012) තමා කතාව, සල්මන් කාන්, සොන්කෂි සින්හා, අර්බාස් කාන් සහ ප්‍රකාශ් රාජ් යන නළු නිලි පිරිස තමයි මේ වැඩේට දායක වෙලා තියෙන්නේ. කරීනා කපුර් ඉන්නවා එක සින්දුවක දර්ශනයකට. අධ්‍යක්‌ෂනය කරලා තියෙන්නෙත් සල්මන් ගේ සහෝදරයා වන අර්බාස් කාන් විසින්මයි. තවත් කියනවා නම් ජාත්‍යන්තර චිත්‍රපට දර්ශකයේ ලකුණු 5.2/10 ලබා ගෙන තියෙනවා. 2012 වසරේ Ek Tha Tiger සිනමා කෘතියට පස්සේ වැඩිම අදායමක් ලබපු චිත්‍රපටිය තමා මේක.

එහෙනම් කතාව ගැන කියන්නම්, මෙන්න මේකයි කතන්දරේ අපේ මේ වීරයා “පාන්ඩේ” හාදයට ස්ථාන මාරුවක් ලැබෙනවා “කාන්පුර්” වලට. එහෙට එන්නේ ඔහුගේ ආදරණිය බිරිඳ “රජ්ජෝ”, පියතුමා සහ මලයා “මක්කි” සමඟ. මේ නගරය අපරාධ වලින් පිරිලා , මහ දවාලේ මිනී මරණ , ස්ත්‍රී දූෂණ සහ පැහැරගැනීම් සිද්ධ වෙන දරුණු ගණයේ නගරයක්. මේ හැම වැඩක්ම පාලනය කරන්නේ “බච්චා බයියා” කියලා දරුණු ගණයේ පාතාල නායකයෙක්. ඒ උනාට “චුල්බුල්” එක්ක ඒවා හරියන්නේ නැහැ. මතකනේ මෙයාගේ කෙරුවාව. ඉතින් මේ අතරේ “චුල්බුල්ට” දරු සම්පතක් ලැබෙන්නත් එක්ක යන්නේ.

“චුල්බුල්” විසින් “බච්චා බයියාගේ” සහෝදරයට සිද්ධ කරන යම් දෙයක් නිසා, එයාගෙන් පලිගන්න තමා මේ පාතාල නායකයා සැරසෙන්නේ. මේ “බච්චා බයියාගේ” සහෝදරයා කියන්නෙත් නරක මිනිහෙක් ඒ වගේ අයට “චුල්බුල්ගෙන්” බේරුමක නැහැ.ඒ වගේම “බච්චා බයියා” තවත් බලවත් වෙන්න හිතන් චන්දෙත් ඉල්ලන්න ලැහැස්ති වෙනවා. එහෙනම් බලමු නේද අපේ වීරයාගේ වැඩ කිඩ කොහොමද කියලා. ඔන්න එහෙනම් “චුල්බුල් පාන්ඩේ” එනවා. පරිස්සමට අයිනකට වෙලා බලන්න මොකෝ වෙන්නේ කියලා.එහෙනම් ඉතාම ඉක්මනින් නැවත හමු වෙනකන් හැමෝටම සුබ දවසක් වේවා කියලා ප්‍රාර්ථනා  කරනවා !!!

• Hindi
• server21