ඉස්සර කාලෙ වගේ අමුතු වයිබ් එකක් තියෙන ලස්සනම ලස්සන ෆිල්ම් එකක් බලමුද?

Heer Express ෆිල්ම් එකේ කතාව ගැන කියනවා නම්, මේක නිකන්ම විනෝදාත්මක කතාවක් විතරක් නෙවෙයි. හිනාව, කඳුල සහ පවුලේ බැඳීම් එකට කැටි වුනු ලස්සන ගමනක්.

කතාවේ ප්‍රධාන චරිතය තමයි හීර් වාලියා (දිවීටා ජුනේජා)  එයා පන්ජාබ් වල තමන්ගේ ආදරණීය මාමලා දෙන්නෙක් (සංජයි මිශ්‍රා සහ ගුල්ෂන් ග්‍රෝවර්) යටතේ හැදුනු හරිම දඟකාර, ඒ වගේම දක්ෂ කෙල්ලෙක්. හීර්ට හදිසියේම ලොකු අවස්ථාවක් ලැබෙනවා ලන්ඩන් වල තියෙන රෙස්ටොරන්ට් එකක් බලාගන්න යන්න. හැබැයි මේක එයා හිතනවා වගේ ලේසි ගමනක් වෙන්නේ නෑ.

සාමාන්‍යයෙන් පිටරට ගිහින් ජීවිතේ විඳිනවා වෙනුවට, හීර්ට සිද්ධ වෙන්නේ ලොකු අභියෝගයකට මූණ දෙන්න. එයාට පැවරෙන්නේ දවස් 30ක් ඇතුළත සම්පූර්ණයෙන්ම වැටීගෙන යන රෙස්ටොරන්ට් එකක් ආපහු ගොඩගන්න. එතනින් එහාට මේක නිකන්ම බිස්නස් එකක් ගොඩදාන කතාවකින් එහාට ගිහින්, තමන්ගේ අම්මාගේ මතකයන් සහ තමන්ට අහිමි වුනු තාත්තාගේ ආදරය හොයාගෙන යන හැඟීම්බර සටනක් බවට පත් වෙනවා.

එක පැත්තකින් රෙස්ටොරන්ට් එක විනාශ කරන්න කුමන්ත්‍රණය කරන අය හීර් බාධා කරනකොට, අනිත් පැත්තෙන් එයාට උදව් කරන්න ඉන්නේ එයාට ආදරේ  අය විතරයි. මේ හැමදේම මැද්දේ තනි කෙල්ලෙක් නාඳුනන රටක ඉඳන් කරන මේ අභියෝගය ජයගන්න පුළුවන් වෙයිද? ඒ වගේම ප්‍රීත් කමානි එයාට ගොඩක් ආදරේ කරනවා.

සංජයි මිශ්‍රා සහ ගුල්ෂන් ග්‍රෝවර්ගේ වෙනස්ම විදියේ රංගනයන් එක්ක, අශුතෝෂ් රාණාගේ ප්‍රතිභාපූර්ණ රංගනය බලාගන්න පුළුවන්. පවුලේ හැමෝටම එකට ඉඳගෙන බලන්න පුළුවන් (Clean Family Entertainer) ලස්සන හින්දි ෆිල්ම් එකක් හොයන අයට මේක මාරම ෆිල්ම් එකක්.