පැය 2යි විනාඩි 34ක ධාවන කාලයක් හිමි මේ චිත්‍රපටය ඉන්දියන් රුපියල් කෝටි 25ක වියදමකින් නිෂ්පාදනය උනත් මෙහි බොක්ස් ඔෆිස් ආදායම ඉන්දියන් රුපියල් කෝටි 10-16 අතර වෙනවා. ඒ කියන්නේ, චිත්‍රපටය බොක්ස් ඔෆිස් ආදායම් එතරම් සාර්ථක වෙලා නෑ කියන එක. ඇක්ෂන්, ඩ්‍රාමා, සහ පවුලේ කතාවක් යටතේ දිවෙන මේ චිත්‍රපටයේ සංගීත අධ්‍යක්ෂණය දේවි ශ්‍රී ප්‍රසාද් විසින් සිදුකරලා තියෙනවා.

හරි එහෙනම් අපි කතාව පැත්තට හැරුණොත් ,

Kireeti Reddy – අභී
Genelia D’Souza – විජයා සෞජන්‍යා
Sreeleela – ස්පූර්ති
Ravichandran – කෝදන්ඩපානි
Rao Ramesh – ගෝපාල්

එක ගමක කෝදන්ඩපානි සහ ශ්‍යාමාලා යන අඹුසැමියන් දෙදෙනාට හදිසියේම හැමෝම පුදුම කරවමින් දරුවෙක් ගැබ් ගන්නවා. දරුවෙක් ලැබෙන එක පුදුමයට කාරණයක් නොවුනත් මොවුන් දෙදෙනාගේ වයස ඒ පුදුමයට හේතු උනා. ඉතින් අන්තිමේදි මේ දරුවා මේ ලෝකෙට එනකොට එයාගේ අම්මා ශ්‍යාමාලා මෙලොව හැර ගිහින් තිබුනා. ඉතින් අම්මාත් නැති මේ දරුවට එයාගේ තාත්තා වෙන කෝදන්ඩපානි නොසෑහෙන්න එයාට ආදරය සෙනෙහස දුන්නෙ එයාගේ අම්මාගේ සෙනෙහසත් එයාට දැනෙන්නෙ නැති වෙන්න.

දරුවා.. දරුවා කිව්වට.. මෙයාගේ නම තමයි අභිනව් හෙවත් අභී.. කාලය ගතවී අභී ලොකු වෙද්දි එයාගේ තාත්තගේ මේ පිය සෙනෙහස ඕනවට වඩා වැඩි එකක් බව දැනෙන්න ගත්තා. ඒ නිසා එයා නිතරම හිතුවෙ එයාගේ තාත්තගෙන් ඈත් වෙලා ඉන්න ක්‍රමයක්. ඉතින් ඒ උවමනාවටම මෙයා උසස් අධ්‍යාපනයට කොලේජ් එකකට ඇතුළත් වෙනවා.

මෙතනින් එහාට මම කතාව කියන්න යන්නේ නෑ, ඔයාල බලලම ඉන්නකෝ !

• Telugu