විඩාමුයච්චි නොහොත් අත් නොහරින උත්සහය . අධ්‍යක්ෂණය හා කතාව මගිල් තිරුමෙනිගෙන්. සංගීතය අනිරුද්ගෙන්. කතාව හොලිවුඩ් චිත්‍රපටයක් වන 1997 බ්‍රේක් ඩවුන් චිත්‍රපටයේ ඉන්දියානු වර්ෂන් එක.

මේ චිත්‍රපටය ගැන යමක් කියනවනම් කෙටියෙන් කියන්න තියෙන්නේ සිනමා කණ්ඩායමක් එක්වෙලා කරපු සුපිරිම වැඩක් කියල. විශේෂයෙන් කැමරාකරණය (ඕම් ප්‍රකාෂ් ) හා ඒ හා යන සංස්කරණය (එන් බී ශ්‍රිකාන්ත් ). මේ දෙන්න හොද හැටි වැඩ පෙන්නපු චිත්‍රපටයක් කියන්න පුළුවන්. ඕම්ප්‍රකාෂ්ගේ කැමරා කෝණයන් විශිෂ්ටයි. විශේෂයෙන් හමර් එකේ සටන තිරයේ බලපු කෙනෙක්ට ඒ හැගීම දැනෙන්න ඇති කියල මම හිතනවා. කොච්චර හොදට රූගත කළත් ඒක හරිහැටි ගැට ගැව්වේ නැත්නම් වැඩක්ම නෑ. ඒ වැඩ්ඩා තමයි සංස්කාරක ශ්‍රිකාන්ත්.

මේ චිත්‍රපට අජිත්ගේ කියනවද මහිල්ගේ කියනවද කියන එකයි ප්‍රශ්නය. මාස් හීරෝකෙනෙක්ව සමාන්‍ය මට්ටමකට ගෙනල්ලා එයාගේ මාස් පන්ච් ඩයලොග් අයින් කරල මේ වගේ සාමන්‍ය විදියට චිත්‍රපටයක් කරන්න ධෛර්යයක් කාට එයිද ?

ඒ වගේම මාස් හීරෝ කෙනෙක් මෙච්චර පහතට බැහැල ජිවිතය කඩාවැටුන චරිතයකට පන පොවන්න කාටනම් ධෛර්යයක් එයිද ? ඒක අජිත් කරපු ලොකු කැපකිරීමක්. මගේ අදහසනම් ඒ කැපකිරීම සාර්ථකයි . අජිත්ගේ දෙබස් උච්චාරණය ඉහල මට්ටමේ තියෙනවා. ඒ වගේම මෑතකදී ආපු අජිත්ගේ චිත්‍රපටවලින් මේකේ රංගනය ඉහළ මට්ටමක තිබුනා. කාලෙකින් අජිත්ගෙන් දකින්න ලැබුන හොද චිත්‍රපටයක්.

රංගනයෙන් අජිත් කුමාර්, ත්‍රිෂා, අර්ජුන්, අරව්, රෙජිනා කැසැන්ඩ්‍රා ප්‍රධාන රංගනයෙන්. ත්‍රිෂාට ලොකු රංගන පරාසයක් ලැබෙන්නේ නෑ. ඒ වගේම අර්ජුන්ටත් . අවසාන සටන අර්ජුන් අජිත් ඒක මරු. කැපිපෙනෙන රංගනයක්නම් අජිත්, රෙජිනා හා අරව්. රෙජිනාගෙන් කැපී පෙනෙන රංගනයක්. අජිත් හා එකිනෙක ගැටෙන රංගනයක්නම් මේ චිත්‍රපටයෙන් දකින්න ලැබුනේ රෙජිනාගෙන් විතරයි. අරව් හොද තරුණ නැගි එන නලුවෙක් .

හැබැයි එයාගේ ඩයිහාඩ් ෆෑන්ස්ලටනම් හොදටම අවුල්වගේ. ඒ අජිත් ජීවිතයේ කඩාවැටුන පුද්ගලයෙක් විදියට දැඩි පීඩනයට යටවුන චරිතයක් මුලු චිත්‍රපටය පුරාවටම දකින්නට ලැබීමයි. මේ බලපෑම කොච්චරක්ද කියනවනම් අජිත්ගේ තරුණකාලය ගැන ෆ්ලෑෂ් බැක් දුන්නත් අර බලපෑම රසිකයන්ගෙන් ඉවත්වුනේ නෑ .

කතාව ලොකු දෙයක් නෑ. එහි ගැබ්වෙලා තියෙන අර්ථයනම් ගැඹුරුයි. සැමියෙක් තම බිරිදට ආදරය කරන්න ඕනේ ගරු කරන්න ඕනේ කොහෝමද කියන එක වෙනස් ආකාරයට පෙන්නපු කතාවක්.

අර්ජුන්ගෙන් වෙන්වෙන්න තීරණය කරන කයල්ව ඇයගේ දෙමාපියන්ගේ නිවසට ඇරලන්න යන ගමනේ ඇතිවන සිදුවීම් තමයි මේ චිත්‍රපටයේ කතාව. ප්‍රථම බාගය කතාව හා රංගනයට තැන දුන්නත් දෙවන බාගය රසිකයන්ට අවශ්‍ය සටන් ජවනිකාවලින් පිරි ගිහින් තියෙනවා. එක දිගටම බලන්න පුළුවන් චිත්‍රපටයක් විඩාමුයච්චි.

ආදායම් වාර්තාගැනනම් මම කතා කරන්නේ නෑ. ඒක ෆිල්ම් බලන ෆිල්ම් පිස්සන්ට අයිති නෑ. 😆😆

මෙම චිත්‍රපටය ඔරිජිනල් WEB-DL පිටපත් සඳහා යාවත්කාලින කර ඇත.